झापा, १९, असार ।। आज पनि दिनभर सामन्यदेखि पूर्ण बदली भइ धेरै स्थानमा वर्षा हुने जल तथा मौसम पूर्वानुमान महाशाखाले जनाएको छ । महाशाखाका अनुसार आज दिनभरी देशै भरी वर्षा हुने छ । प्रदेश १, प्रदेश २, बागमती प्रदेश, लुम्बिनी प्रदेश र गण्डकी प्रदेशमा सामान्यदेखि पूर्ण बदली तथा बाँकी प्रदेशमा आंशिकदेखि सामान्य बदली भएको छ । निरन्तरको बर्षाले पुर्वी नेपालका धेरै स्थानमा बाढी र डुबानको जोखिम हुन सक्ने महाशाखाले चेतावनी दिएको छ ।
प्रदेश १, प्रदेश २, बागमती, गण्डकी र लुम्बिनी प्रदेशका धेरै स्थान र बाँकी प्रदेशका एक–दुई स्थानमा वर्षा भइरहेको छ ।हाल ईलाम,झापा, मोरङको धेरै स्थानमा भारी वर्षा भइरहेको र थप वर्षा हुने भएकाले सावधानी अपनाउन भनिएको छ । वर्षाका कारण मेचि,विरिङ, निन्दा, कन्काई, चिसाङखोला, मावा–रतुवा, लोहन्द्रा, बक्राहा, नुनखोला लगायत अन्य साना खोलामा बाढी आउन सक्ने पूर्वानुमान गरिएको छ । जोखिममा भएका बस्तीमा आज रातिसम्म नै उच्च सतर्कता अपनाउन महाशाखाले भनेको छ ।
